Thus shall ye think of all this fleeting world: A star at dawn, a bubble in a stream; A… — Nagarjuna

सुभूते बोधिसत्त्वो महासत्त्वोऽप्रमेयानसंख्येयांल्लोकधातून् सप्तरत्नपरिपूर्णं कृत्वा तथागतेभ्योऽर्हद्भयः सम्यक्संबुद्धेभ्यो दानं दद्यात्, यश्च कुलपुत्रो वा कुलदुहिता वा इतः प्रज्ञापारमिताया धर्मपर्यायादन्तशश्चतुष्पादिकामपि गाथामुद्गृह्य धारयेद्देशयेद्वाचयेत् पर्यवाप्नुयात्, परेभ्यश्च विस्तरेण संप्रकाशयेत्, अयमेव ततोनिदानं बहुतरं पुण्यस्कन्धं प्रसुनुयादप्रमेयमसंख्येयम्। कथं च संप्रकाशयेत् ? तद्यथाकाशे- तारका तिमिरं दीपो मायावश्याय बुद्बुदम्। स्वप्नं च विद्युदभ्रं च एवं द्रष्टव्य संस्कृतम्॥ तथा प्रकाशयेत्, तेनोच्यते संप्रकाशयेदिति॥